Një palestër e re është duke u ndërtuar në qytetin e Ersekës përmes një financimi prej 64 milionë lekësh nga Ministria e Arsimit dhe Sportit dhe Bashkia Kolonjë.
Kjo palestër e mbyllur e cila ka parametrat e një mini pallat sporti, do të jetë në funksion të dy shkollave të qytetit, asaj 9-vjeçare Petro Nini Luarasi dhe gjimnazit Papa Kristo Negovani, të cilat në total kanë 600 nxënës, por edhe në funksion të gjithë komunitetit të cilët mund ta përdorin për aktivitete të ndryshme sportive, por edhe artistike.
Pritet që punimet të përfundojnë në fund të këtij viti kur është edhe afati i përcaktuar.
Në përfundim të saj palestra e re do të jetë edhe në funksion të ekipeve olimpike të basketbollit dhe volejbollit të të dyja shkollave.
