Situatë e rëndë në Parkun Kombëtar të Prespës në ditën e 6 të flakëve
Vatrat e zjarrit nga dita e djeshme kanë hyrë brenda masivit pyjor me ah, duke rrezikuar një katastrofë ekologjike.
Kryetari i bashkisë Pustec Pali Kolefksi si dhe drejtori i zonave të mbrojtura të juglindjes Gjergji Koki tregojnë se situatë është alarmante, ndaj e për këtë ndërhyrja nga ajri është emergjente, për të shmangur një katastrofë të madhe të pasurisë natyrore.
Burime zyrtare bëjnë me dije se deri tani janë djegur plotësisht rreth 20 hektarë me kullota, bimë medicinale, bimësi e ulët ndërkohë që nga dita e djeshme vatrat e zjarrit janë shfaqur brenda zonës së pyllëzuar me ah.
Zjarri vijon të jetë aktiv ditën e sotme ku rreth 70 forca të shërbimit zjarrfikës, shërbimit pyjor, forcave të armatosura dhe zonave të Mbrojtura po bëjnë gjithçka për të izoluar vatrat e zjarrit që mos depërtojnë në thellësi të zonës pyjore
