Pas tre humbje rradhazi, Skënderbeu rikthehet tek fitorja.
Korçarët kanë mundur në transfertë Erzenin, ekip që kishte bërë mirë deri në përballjen me juglindorët.
Kanë qenë Liço me penallti e ne pjesën pjesën e dytë Shaqe që kanë shënuar për Skënderbeun, gola këta qe i kane dhënë siguri fitores së skuadrës Ivan Gvozdenoviç.
Në fundlojë ka ardhur dhe goli i vetëm i shijakasve, gol që ka ardhur nga pika e bardhë e penalltisë.
Me këto tre pikë të fituara Skënderbeu është ngjitur në kuotën e 9 pikëve, pas tre fitoreve e tashmë ndodhet edhe njëherë në vendet e para të renditjes së kategorisë superiore.
Duhet thënë se krejt ndryshe nga dy ndeshjet e fundit të humbura me Teutën e Kukesin në takimin me Erzenin skuadra ka qenë në ritmin e duhur, ndoshta dhe për atë se Gvozdenoviç ka rikthyer në fushë nga minuta e parë lojtaret qe fituan dy ndeshje radhazi me Egnatian e Dinamon. Me tre fitore në gjashtë javë të luajtura Skënderbeu po tregon se e ka grupin e lojtarëve për të bërë mire dhe ne ndeshje transferte si kjo me Erzenin.
Ndeshja e radhës është ajo e shtëpisë përballë Partizanit që luhet në fundjavë, takim të cilin korçarët e duan të fituar. Për shumë arsye, mbi të gjitha për të treguar se korçarët janë rikthyer për të mbetur në kategorinë e më të mirëve të futbollit shqiptar
