Ernest Gjoka me shumë gjasa do të jetë pasuesi i Ivan Gvozdenoviçit te Skënderbeu.
Kolibri.al mëson se palët kanë arritur një akord paraprak, teksa ditën e nesërme do të ketë edhe një takim, për të konkretizuar marrëveshjen.
Drejtuesit e klubit korçar nuk duan të humbin kohë për zyrtarizimin e trajnerit të ri, teksa Skënderbeu do të zbresë në fushë të enjten ku do të përballet me ekipin e Tiranës.
Vlen të theksohet fakti se skuadra e fundit që Gjoka ka drejtuar është Shkupi. Ai gjithashtu ka qenë edhe “timonier” i Ohod në Arabi, Shkëndijës së Tetovës, Kukësit, Kamzës, Vllaznisë, Flamurtarit, Apolonisë dhe Tomorit.
