Rreth 3,500 metra linearë kanale kulluese janë pastruar në njësinë administrative Pirg të bashkisë Maliq.
Drejtori i Agjencisë së Ujitje-Kullimit, Astrit Zholanji, bën të ditur se puna po kryhet me tre eskavatorë, me qëllim shmangien e përmbytjeve në tokat bujqësore të tre fshatrave, që përfshijnë një sipërfaqe prej rreth 250 hektarësh.
Këto kanale janë pastruar edhe më parë, por mbulimi nga bimësia dhe depozitimi i mbetjeve nga fermerët ka krijuar nevojën për ndërhyrje të përsëritura.
Pastrimi i kanaleve kulluese do të vijojë edhe në njësitë administrative Vreshtas dhe Pojan.
