Fusha e Maliqit prej vitesh nuk ka shfaqur më probleme përmbytjesh, edhe gjatë periudhave me reshje intensive. Sipas përgjegjësit të sektorit të ujitje–kullimit në Bashkinë Maliq, Astrit Zhollanji, kjo situatë pozitive është rezultat i pastrimit në kohë të të gjithë kanaleve kulluese. Ai thekson se ndërhyrjet e rregullta dhe programimi i punimeve sipas ngarkesës së kanaleve, kanë bërë që edhe në ditët me reshje të dendura, fusha të mos rrezikojë përmbytjen.
Fusha e Maliqit përfshin rreth 740 km kanale kulluese dhe vaditëse, të cilat kërkojnë mirëmbajtje të vazhdueshme. Çdo vit pastrohen 130 deri në 140 kilometra kanale, ndërsa deri tani janë pastruar rreth 100 km. sinkron Sipas tij, nga viti 2016 e në vijim është arritur të pastrohet mbi 60% e të gjithë rrjetit, dhe disa prej kanaleve me ngarkesë më të madhe të ujërave pastrohen deri në 2 apo 3 herë në vit, për të siguruar funksionimin e duhur të sistemit të kullimit.
Falë kësaj pune të vazhdueshme dhe bashkëpunimit të strukturave, fusha e Maliqit mbetet e qëndrueshme dhe jashtë rrezikut të përmbytjeve.
