Bashkia Maliq ka nisur punimet për betonimin e segmenteve më problematike të rrugëve rurale në zonat e Gorës dhe Moglicës, me synim përmirësimin e qarkullimit dhe uljen e rrezikut për përdoruesit e rrugës.
Ky është viti i disatë radhazi që Bashkia Maliq realizon ndërhyrje të tilla infrastrukturore, duke synuar lehtësimin e jetës së banorëve dhe rritjen e sigurisë rrugore.
Punimet kanë filluar në fshatin Strelcë dhe do të vijojnë edhe në zona të tjera të bashkisë, aty ku rrugët paraqesin vështirësi të mëdha për kalimin, veçanërisht gjatë stinës së dimrit ose me reshje të dendura shiu.
Autoritetet vendore kanë theksuar se këto investime janë thelbësore për zhvillimin e zonave rurale dhe për të garantuar akses më të mirë të banorëve drejt shërbimeve dhe tregjeve.
