Reshjet e borës kanë vazhduar gjatë natës së mbrëmshme në juglindje, me intensitet të ulët krahasuar me pak ditë më parë.
Sipas informacioneve, në fshatin turistik të Dardhës ka rënë gati 4 cm borë, rruga është e hapur totalisht, dhe e kriposur, megjithatë rekomandohet përdorimi i gomave dimërore.
Reshje bore ka patur edhe në rrethit e Devollit, në Cangonj dhe fshatrat përreth, trashësia e borës është thuajse 2-3 cm dhe rruga është pastruar dhe është e qarkullueshme pa probleme.
Rikthehen reshjet e dëborës në zonat malore të juglindjes së vendit.
Intensiteti me i larte i reshjeve ka qenë në lartësitë mbi 1000 metra, aty ku e trashësia ka shkuar deri në 5 cm.
Reshje ka pasur në fshatra turistik të Dardhës e Voskopojës si dhe në Devollin e Sipërm ndërkohë që reshje me të dendura ka pasur dhe në aksin rrugor Bilisht – Cangonj.
Nga ana e autoriteteve bëhet me dije se në akset nacionale përfshi dhe ato të fshatrave turistik Dardhë – Voskopoje, kalimi bëhet pa probleme.
Deri tani nuk raportohen probleme përsa i përket qarkullimit edhe në zona të thella malore ashtu siç nuk raportohen probleme në furnizimin me energji elektrike.
Sektori i qarkullimit rrugor u kërkon drejtuesve të mjeteve që përdorin akset e fshatrave turistike të kenë të vendosura në mjetet e tyre goma dimërore
