Gjykata e Korçës ka lënë në burg pa afat dy adoleshentët e akuzuar për plagosje të rëndë të një 14 vjecari 3 ditë më parë në qyteti i Korçës.
Bëhet fjalë për shtetasit, 15 vjeçarin Dh.F si dhe 17 vjeçarin A.E e një tjetër person i shpallur në kërkim, të cilët në bashkëpunim janë përfshirë në një konflikt me mjete të forta në afërsi të qendrës së qytetit.
Prokuroria në seancën e sotme ka paraqitur provat e duhura që akuzon të dy adoleshentët për ngjarjen, prova të cilat e kanë bindur gjykatën për t’i mbajtur pas hekurave 15 dhe 17 vjeçarin.
Nga përleshja e natës së dielës ka mbetur i plagosur rëndë në kokë nga goditjet me shkopinj druri dhe hekuri 14 vjecari F.P, I cili për shkak të gjendjes prej asaj nate ndodhet në spitalin e Traumës. Burime pranë këtij spitali bëjnë me dije se gjendja e 14 vjeçarit vazhdon të jetë e rëndë por jashtë rrezikut për jetën.
