Sherret masive nuk kanë munguar në 24 orët e fundit. Policia njofton se një grua në Boboshticë ka goditur me mjete të forta në shtetas, ndërsa 3 persona kanë rrahur keq një 64 vjeçar në Gështenjas të Pogradecit.-Po këta specialistë referuan materialet në Prokurori ku filloi procedimi në gjendje të lirë për shtetasen E. G., 47 vjeçe, banuese në fshatin Boboshticë, Korçë, pasi dyshohet se pas një konflikti, ka goditur me mjet të fortë, një shtetas.-Specialistët për Hetimin e Krimeve të Komisariatit të Policisë Pogradec referuan materialet në Prokurori ku filloi procedimi në gjendje të lirë për shtetasit K. C., 28 vjeç, A. C., 31 vjeç, banues në Pogradec dhe P. C., 59 vjeç, banues në fshatin Gështenjas, Pogradec, pasi gjatë një konflikti në fshatin Gështenjas, në bashkëpunim me njëri-tjetrin, dyshohet se kanë goditur me grushte dhe me sende të forta, një 64-vjeçar.
