Një operacion i madh policor po zhvillohet në disa qytete të vendit. Kolibri.al raporton se me urdhër të Prokurorisë së Elbasanit janë lëshuar 15 urdhër-arreste. Sipas të njëjtave burime janë zbardhur 6 vrasje. Ngjarjet kriminale të kryera ndër vite janë zbardhur nga Artan Tafani, i cili është bërë bashkëpunëtor i drejtësisë
Ai ka rrëfyer se vrasjet janë kryer në Greqi, Tiranë, Elbasan dhe Berat. Sipas të njëjtave burime, në mesin e personave që Tafani ka përmendur si autorë vrasjesh, janë edhe emra të njohur të botës së krimit. Që prej identifikimit policia ka pasur dyshime të përfshirjes së Tafanit në aktivitet të theksuar kriminal, pjesë e një grupi me bazë në disa qytete.
Dy persona nga Pogradeci janë arrestuar për llogari të Elbasanit nga drejtoria e forcave operacionale të Tiranës.
Ndërkohë burime bëjnë me dije se operacioni momentalisht është në proces dhe urdhrat e ndalimit nga prokuroritë përkatëse po implementohen tani.
