Dhuna ndaj grave nuk po ndalet. Akoma më keq është situata pasi kjo dhunë po zbret edhe në moshat e reja të cilët e marrin jetën lehtë.
Një ngjarje e rëndë është shënuar në Pogradec një ditë më parë, një 19 vjeçar ka rrahur keqas ish-bashkëjetuesen e tij, me të cilën ishte ndarë dhe duket se nervat e ndarjes nuk i kishin rënë ende. Megjithatë shqetësues është fakti se ende shumë të rinj, çiftet pa ditur se si është jeta zgjedhin të bashkëjetojnë dhe më pas përfundojnë duke dhunuar njëri tjetrin.
E tillë duket edhe kjo situatë në Pogradec ku në fund ato që e pësojnë janë femrat. Prandaj para se të niseni për bashkëjetesë mendohuni mirë.
Njoftimi i policisë:
DVP Korçë/Procedohen në gjendje të lirë 1 shtetas, për veprën penale të dhunës në familje
Specialistët për Hetimin e Krimeve të Komisariatit të Policisë Pogradec referuan materialet në Prokurori ku filloi procedimi në gjendje të lirë për shtetasin A. P., 19 vjeç, banues në Pogradec, pasi në rrugën “Rinia”, Pogradec, dyshohet se ka ushtruar dhunë fizike ndaj ish-bashkëjetueses së tij.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
