Për dy persona nga qyteti i Pogradecit ka nisur procedimi penal. 41 vjeçari me benz ka përplasur motiçikletën e 27 vjeçarit. Drejtuesit e mjeteve janë konfliktuar me njëri-tjetrin duke shkaktuar dhe dëme të lehta.
Njoftimi i policisë;
DVP Korçë/Procedohen në gjendje të lirë 2 shtetas, për vepra të ndryshme penale
-Specialistët për Hetimin e Krimeve të Komisariatit të Policisë Pogradec referuan materialet në Prokurori ku filloi procedimi në gjendje të lirë për shtetasit L. S., 41 vjeç, banues në Pogradec dhe A. Xh., 27 vjeç, banues në fshatin Vërdovë, Pogradec, pasi në lagjen nr.3, Pogradec, 41-vjeçari, duke drejtuar automjetin tip “Benz”, ka përplasur motoçikletën në pronësi të shtetasit A. Xh., dhe më pas të dy këta shtetas janë konfliktuar duke i shkaktuar dëmtime të lehta njëri-tjetrit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
