Ky është fshati Bishnicë në Mokër të Pogradecit, një fshat potencialisht konkurues për turizmin malor falë natyrës, bimësisë, bujtinave dhe mikpritjes. 1800 m mbi nivelin e detit dhe ku dëbora qëndron deri në muajin Maj, ç’ka do të thotë se mundësitë e sporteve dimërore janë 100% të mundura.
I vizitueshmëm çdo vit nga qindra turistë gjermanë, hollandezë, polakë, çekë etj etj, sepse krahas natyrës, në majë të saj janë edhe 2 liqene akullnajorë fantastikë.
Ajo që duhet është vetëm financimi i projektit të rrugës që sipas burimeve të informacionit është paraqitur tashmë pranë Fondi Shqiptar i Zhvillimit/ Albanian Development Fund (25 km i gjatë) dhe për ta kthyer këtë zonë në një nga fshatrat më të vizituar në të ardhmen. Kaq duhet, vetëm rruga, të tjerat i bëjnë vetë banorët.
Nuk po themi se çfarë ka më shumë Dardha në Korçë, sepse të dy fshatrar janë super vende, por ndryshe nga Dardha të cilës i është bërë rruga edhe ky fshat kaq do, RRUGËN! Pas saj, e sigurtë që zona do të jetë një kantier ndërtimi bujtinash dhe hotelerie dhe sigurisht ekonomia e banorëve vendas do të rritet ashtu si do të ndikojë në rikthimin e të ikurve nga ky fshat kaq i bukur.
