Bashkia e Pogradecit duket se ka zgjedhur një tjetër formë për të denoncuar dëmtimet e pronës publike që javët e fundit janë bërë të shpeshta në këtë qytet. Adoleshentë të padisiplinuar thotë bashkia po dëmtojnë luke, instalacione, stola dhe kosha.
Rastet e përsëritura javët e fundit kohët fundit, kohë kur qyteti është zyrtarisht në sezon turistik dhe veprime të tilla nuk japin aspak imazh pozitiv, institucioni lokal ka vendosur që të kallzojë penalisht këta adoleshentë.
Në një postim të fundit që ka shpërndarë kjo bashki nga kamerat e sigurisë, dallohet se disa të rinj zhvidhosin instalacionet e luleve tek plazhi publik i “uçkave” dhe i thyejnë ato. Bashkia thotë se ndaj tyre është bërë kallzim penal si edhe do të vendosen gjoba për dëmin e shkaktuar, pasi me apel qytetar klta të rinj nuk po tërhiqen.
“Prona publike, lulet apo çdo objekt tjetër që është në shërbim të qytetit nuk mund të trajtohet në këtë formë. Është rasti i 5-të që një grup adoleshentësh dëmtojnë vazot me lule dhe mbajteset e tyre tek plazhi publik i “Uçkave”. Pas raportimit të sotëm policia bashkiake ka verifikuar kamerat, janë identifikuar personat dhe po bëhet kallzim në polici për dëmtim të pronës publike, gjithashtu ndaj tyre do të aplikohet masë administrative për dëmet që kanl shkaktuar.
Një grup i padisiplinuar të rinjsh nuk mund të bëhen një shembull i keq për një qytet të tërë. Ndaj kërkojmë mga prindërit e tyre të flasin me fëmijët dhe të shmangin veprime të tilla aspak normale. Çdo rast tjetër i dëmtimit të stolave, pemëve, lodrave publike do të vijohet me këtë formë, pasi çdo hapsirë survejohet me kamera sigurie”
