Kur kanë kaluar më shum se 2 vjet nga zgjedhjet parlamentare, deputetët e opozitës nuk duken gjëkundi dhe kjo është për tu çuditur. Është e tillë sepse deputetët opozitarë kanë mundësinë më të mirë për të fituar kredite dhe për të qenë sa më jetëgjatë në politikë.
Një fenomen i tillë ndodh edhe me deputetin e PD në Pogradec Selajdinin. Doktori pogradecar i cili mori besimin e demokratëve dhe jovetëm për t’i përfaqësuar në Kuvendin e Shqipërisë ka humbur.
Teksa pyesim banorë në Pogradec për të, dikush na thotë: “e shpallëm në kërkim” pasi nuk e kemi parë prej kohësh. Vështirë se e gjen edhe në fshatin e tij në Rrëmenj, fshat i cili e votoi masivisht djalin e tij, por se ai i ka harruar tashmë.
Banorët shprehen se nuk presin shumë nga ai, por do të ishin të kënaqur nëse ai i takonte herë pas here, pinin një gotë bashkë dhe për më tepër të qanin hallet, pa zgjidhja e tyre nuk është se është emergjente.
Nëse futesh edhe në profilin e tij në Facebook nuk do gjesh takime me njerëzit që prej kohës kur kandidoi, në fakt nuk harron të bëjë urime për festa, por harron të ngrejë një shqetësim, për fshatin e tij, për Mokrën, Gorën apo edhe qytetin.
Sa do zgjidheshin këto probleme?
Kjo pak rëndësi ka, e rëndësishme do qe që Z. Jakupllari të njihej me to. E vështirë ta mendosh ai në parlament do kërkojë më shumë për Pogradecin dhe fshatrat, mbase mjaftohet me premtimin e Ramës që koha është e Pogradecit, mirpo edhe kjo nëse nuk e cyt dikush vështirë se do ndodhë.
Klevis Balliu do të mbahet mend se tha që “Dielli do lindë blu në Pogradec” të paktën ai la diçka në këtë rast. Mirëpo duket se doktorri do të mbahet mend si deputeti më i urtë dhe që nuk i dihet adresa se ku është. E rëndësishme është që ai merr rrogën, dietat, qeranë e çdo benefit tjetër.
Pastaj sa për opozitarët, ata do bëjnë si do bëjnë mjafton deputetët t’i kenë mirë.
Kolibri.al ka një thirrje për Deputetin Jakupllari:
Deputet i nderuar, mund të ketë edhe zgjedhje të parakohshme, ti duket se nuk je as me Berishën e as me Bashën, por të paktën të jesh me ata që të votuan, kjo është më e pakta që mund të bësh!
