Një drejtoreshë shkolle në Pogradec është pezulluar nga detyra dhe ka përfunduar në OPGJ nën akuzën e falsifikimit të dokumentave për nxënësit e shkollës në fshatin Çerravë, ku ajo ishte drejtoreshë prej disa vitesh.
Policia jep pak detaje mbi ngjarjen e cila është ende duke u hetuar si rast që është marrë nga prokurorët e Korçës.
Në njoftimin e saj policia thotë:
Specialistët për Hetimin e Krimeve Ekonomiko-Financiare të DVP Korçë bënë ekzekutimin e masave “Detyrimi për t’u paraqitur në policinë gjyqësore” dhe “Pezullimi i ushtrimit të një detyre a shërbimi publik”, të caktuara nga Gjykata e Shkallës së Parë të Juridiksionit të Përgjithshëm Korçë, për shtetasen V. M., 48 vjeçe, banuese në fshatin Buçimas, Pogradec, me detyrë drejtoreshë e shkollës së mesme Çërravë, Pogradec, pasi dyshohet se ka falsifikuar dokumente të nxënësve të kësaj shkolle.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
