Me rastin e festave të fundvitit, Agjencia e Kontrollit të Territorit në Bashkinë Pogradec, në bashkëpunim me Policinë Bashkiake dhe inspektoriatet përaktëse, kanë ndërmarrë një nismë humanitare duke shpërndarë paketa ushqimore për familjet në nevojë dhe për persona që përballen me vështirësi shëndetësore.
Në këtë periudhë festive, kur fundviti afron njerëzit, i bën më të ndjeshëm dhe më solidarë me njëri-tjetrin dje kjo nismë vjen si një mesazh humanizmi dhe kujdesi për ata që kanë më shumë nevojë.
Përmes kësaj pakete ushqimore ndihme, synohet që çdo familje të ndjejë ngrohtësinë e festave dhe të ketë mundësinë të presë Vitin e Ri me dinjitet e shpresë.
Agjencia e Kontrollit të Territorit, së bashku me Policinë Bashkiake, përcolli përmes këtij gjesti një mesazh solidariteti dhe bashkëpunimi, duke treguar se institucionet janë pranë qytetarëve jo vetëm në detyrat e përditshme, por edhe në momente që kërkojnë ndjeshmëri njerëzore.
Kjo nismë është një dëshmi se fryma e fundvitit bashkon, afron zemrat dhe forcon lidhjen me komunitetin.
Agjensia e Territorit Pogradec uron festa të bardha e të gëzuara!
