Tre ditë më parë një zjarr përfshiu një banesë në fshatin Rrëmenj të Pogradecit. Edhe pse menjëherë në vendgjarje mbrritën zjarrfikësit dëmet materiale në banesë ishin të mëdha.Familja që pësoi fatkeqsinë ka si kryefamiljare Shegë Jakupllarin, një e moshuar e cila jeton me djalin e saj me probleme të shëndetit mendor.
Familja është shumë e varfër, shumë vite me radhë ata jetonin në një godinë gati në të rënë, pas shumë përpjekjeve të Shegës duke trokitur në dyert e Bashkisë Pogradec, jo më larg se 1 vit më parë banesa e saj u përfshi në programin e rikonstruksionit të banesave dhe u rikosntruktua. Por duket se fati i zi, është i lidhur keqas me këtë familje.
Kur kanë kaluar vetëm pak muaj nga rikonstruksioni dy anëtarët e familjes nuk arritën ta gëzojnë gjatë atë, pasi u shkrumbua sërish nga flakët.Teksa Shega kishte dalë për të blerë ushqime në dyqanin e fshatit, djali i saj me probleme mendore ndez zjarr në banesë, fillimisht flakët kanë përfshirë perdet dhe më pas të gjithë dhomën e ndenjies.
Fatmirësisht i sëmuri nuk u dëmtua fizikisht, por banesa pësoi dëme të mëdha dhe u rikthye pothuaj në gjendjen që ishte para rikonstruskionit.Megjithatë duket se fati i familjes është i lidhur ngushtësisht me shtetin, në vendngjarje mbrriti kryebashkiaku i Pogradecit Ilir Xhakolli me grupin e Emergjencave Civile të cilët do të bëjnë të mundur edhe njëherë rregullimin e banesës.
Shega është besimtare myslimane dhe thotë: “Allahu e di më së miri, ai na jep jetën, shëndetin dhe sprovat po ashtu”Megjithatë krahas pushtetit vendor disa të rinj janë angazhuar për të ndihmuar familjen me fatkeqe.
