Grindjet midis bashkëfshatarëve janë ende të pranishme në shoqërinë tonë. Banorë të fshatrave Leshnicë dhe Mëmlisht nga qyteti i Pogradecit po procedohen në gjendje të lirë për vepra të ndryshme penale.
Njoftimi i policisë;
DVP Korçë/Procedohen në gjendje të lirë 2 shtetas, për vepra të ndryshme penale
Specialistët për Hetimin e Krimeve të Komisariatit të Policisë Pogradec referuan materialet në Prokurori ku filloi procedimi në gjendje të lirë për shtetasit:
- B. H., 49 vjeç, banues në fshatin Leshnicë, Pogradec, pasi në fshat, dyshohet se ka goditur me send të fortë dhe me grushte një 41-vjeçar, për motive të dobëta;
- D. S., 51 vjeç, banues në fshatin Memëlisht, Pogradec, pasi në lagjen nr. 1, Pogradec, dyshohet se ka goditur me grushte një 45-vjeçar, për motive të dobëta.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
