Ethet e vjedhjes nuk po kursejnë asgjë më. Në Pogradec është shfaqur një fenomen i çuditshëm, vjedhjet nuk po kursejnë as kabllot elektrikë. Duket se fakti që këto kabllo janë me bakër dhe ky metal në treg ka çmim të mirë, hajdutët po gjuajnë banesat e mbyllura dhe po këpusin kabllot.
Të paktë 3 raste janë shënuar në lagjen numër 1 të Pogradecit dhe për të treja nga ana e Oshee janë bërë kallzime në polici.
Por krahas vjedhjes shqetësim mbetet kjo situatë pasi kabllot lihen të varur dhe të zhveshur duke u bërë rrezik për banorët dhe fëmijët e vegjël.
Nga ana e Oshee konfirmohet fakti se kanë nisur vjedhje të tilla në banesa ku nuk jeton njeri ose janë në emigracion, por në këtë rast priten rezultate nga ana e policisë për të kapur autorët.
E çuditshmja është se hajdutët nuk po kursejnë asgjë, deri edhe tek kabllot e korrentit.
