Krahas turizmit tradicional liqenor, në Pogradec vitet e fundit është duke u zhvilluar mjaft edhe turizmi malor.
I njohur ndryshe si hiking, këtë mundësi e ofron Mokra me disa destinacione mjaft interesante natyrore, historike dhe kulturore.
Një prej tyre janë liqenet akullnajore të Lukovës, një destinacion, i cili së fundmi po vizitohen mjaft nga të rinjtë dhe turistët e huaj.
Të apasionuar pas natyrës nga Korça Pogradeci dhe Librazhdi, i gjen në zonë me impresione mjaft të mira për natyrën dhe liqenet që janë fantastikë.
Liqenet e Lukovës ndodhen në pjesën jug-perëndimore të Pogradecit, në kufi me Gramshin. Të dy liqenet përrallore të Lukovës kanë sipërfaqe rreth 10 ha dhe janë me origjinë akullnajore. Liqeni më i madh është 1851 m mbi nivelin e detit, ndërsa i vogli 1795 m mbi nivelin e detit. Ata rrethohen nga një kurorë pyjesh të përzierë ahu dhe bredhi, me lartësi deri në 22 m dhe me diametër të trungut 30 cm.
Të ndjekësh shtegun drejt liqeneve të Lukovës gjatë rrugës ka edhe disa zona të tjera ku mund të ndalesh, si Ura e Golikut, Ura e Terziut apo edhe Varret Ilire të Selcës.
Natyrisht, apeli për të ruajtur këto zona të virgjëra, nuk është ansjëherë i tepërt.
Vitet e fundit, Korça dhe Pogradeci ecjen në mal dhe guidat janë duke i aplikuar si ofertë e re turistike për të dalë disi nga turizmi tradicional i këtyre zonave dhe ja kanë dalë të konkurojnë pasi janë të përjavshme guidat që realizohen vazhdimisht nga guidatorët.
