Inspektoriati ndërtimor pranë bashkisë ka nisur prishjet e urave dhe shtesave dhe shkallëve prej betoni të cilat kishin bllokuar plazhin për qytetarët duke mos lejuar aksesin për këta të fundit.
Ky lirim hapsirash publike vjen pak para sezonit turistik dhe nga ana e bashkisë thuhet se qëllimi është që kjo zonë të lidhet dhe të jetë një e tëra bashkë me plazhin e “uçkave” si një hapsirë publike plazhi dedikuar tërësisht qytetarëve.
Aksioni i prishjeve është ndërprerë për të vijuar edhe ditën e martë, pasi duhet të bëhen disa ndërhyrje të vogla nga inxhinerët e Uk në një stacion pompash në zonë.
Nga ana e banorëve nuk ka pasur rezistencë për prishjet, pasi atq ishin njoftuar më herër për prishje vullnetare. Ajo që vihet re edhe në pamje është se sasia e betonit dhe gurëve të përdorur gjatë kohës së ndërtimeve ka qenë mjaft e madhe dhe me këto prishje liqenit i jepet hapsira e vet.
