Të shumta janë rastet kur qytetarët ankohen për mungesë të hapsirave për të parkuar mjetet e tyre apo edhe për ato mjete që ishin braktisur nga pronarët e tyre për vite të tëra në rrugë të caktuara të qytetit dhe nuk lëvizeshin më.
Për herë të parë në kaq vite Policia Bashkiake e Pogradecit, reagoi dhe nisi punën për largimin e këtyre mjeteve njëherë e përgjithmonë. Ditë më parë në çdo automjet u veddos njoftimi se duhet të largoheshin brends 10 ditëve në rast të kundrët ato do të sekuestroheshin.
Të gjitha rastet e konstatuara dhe të njoftuara nga policia bashkiake, 99%, e tyre janë zbatuar nga pronarët e këtyre mjeteve të cilë kanë bërë të mundur largimin vullnetar të tyre duke liruar hapsirat publike.
Sipas të dhënave nga Policia Bashkiake ka mbetur vetëm 1 mjet pranë lagjes 3, Gjok Shqiptari pronarët e të cilës dy pensionistë të moshuar kanë kërkuar shtyrjen e afatit të lëvizjes së mjetit deri në muajin Shtator, pasi aktualisht për shkak të problemeve me shëndetin nuk mund ta kryenin një proces të tillë, kërkesë e cila po merret në shqyrtim dhe do të vendoset se çfarë do të ndodhë edhe me këtë mjet të fundit.
Ritheksojmë se një punë e tillë është hera e parë pas shumë vitesh që kryhet në Pogradec për largimin e këtyre mjeteve të papërdorshme që në shumë raste ishin ndotëse të ambjentit.
Ndërkohë çdo qytetar është i ftuar të njoftojë për raste të tilla dhe do të merren masa të menjëhershme.
