Kur shumë pak ditë na ndajnë nga çelja e sezonit turistik në Pogradec, prania e qenve endacakë është një shqetësim real për banorët e qytetit por edhe vizitorët. Edhe pse shumica prej tyre janë të sterilizuar sërish agresiviteti ndaj qytetarëve nuk mungon në zonat ku ata qëndrojnë.
Një qytetare shprehet:
” Ndihem shumë e rrezikuar pasi të sulen kur se pret, një mbesën time para disa kohësh e sulmuan por deshi zonti dhe shpëtoi vetëm me grisje të pantallonave”.
Ndërsa një tjetër qytetar thotë;
“Janë shqetësues sigurisht nuk mund të vriten, por ama mund të geumbullohen dhe sterilizohen sipas ligjit, pasi kem sezonin para dhe do të jenë shqetësim për të gjithë”
Nga një vëzhgim në rrugët e Pogradecit vihet re se qentë qëndrojnë më së shumti pranë dyqaneve të mishit, ku i ushqejnë me pak ushqim. Ndërkohë që edhe pse në Pogradec ka një qendër për sterilizimin e tyre ajo kërkon një investim shumë të madh për të patur parametrat e duhura të shërbimit.
Një tjetër problematikë sipas institucioneve që konstatohet, është që në këtë periudhë bashkitë fqinje (Korça, Maliqi)pasi i kapin në territoret e tyre i shkarkojnë gjatë natës në Pogradec. Për këtë problem do të ketë një rritje të vigjilencës dhe ata që do të konstatohen do të paditen në polici tha Bashkia e Pogradecit. Ky institucion shtoi se janë me dhjetra qen endacakë të sterilizuar apo edhe të adoptuar nga persona të tjerë pasi janë kapur nga punonjësit. Megjithatë një apel lëshohet për pronarët e tyre që të mos i braktisin qentë të cilët bëhen një rrezik i shtuar për këdo.
