Duket se mania e shqiptarit për të privatizuar gjitçka për vete, nuk ndalet. Këtë vit Bashkia e Pogradecit vendosi që jovetëm të shtonte hapsirat publike, por gjithashtu ofroi edhe çadra falas në këto plazhe.
Por ajo se çfarë u vu re është se qytetarët zgjoheshin që me natë për të zënë një çadër. Çfarë ndodh?
Ata ngrihen që në 5 të mëngjesit shkojnë në plazh dhe vendosnin nga një peshqir në çadër e cila tregonte se ishte e zënë dhe më pas shkonin në plazh rreth orës 10-11 dhe e kishin çadrën gati.
Mirëpo kjo lloj metode zaptimi ra në sy të pushuesëve të cilët filluan të ankohen për këtë formë zaptimi, si me peshqir ashtu edhe me lidhje shezlongesh pas çadrave me zinxhir. Pas disa ankesave reagoi grupi përkatës në bashki dhe policia bashkiake e cila çdo mëngjes dhe mbrëmje bën largimin e peshqirëve dhe shezlongeve nga plazhet publike, nuk kanë munguar edhe sekuestrimet e shezlongeve. Pasi zaptimi në këtë formë i plazheve është i palejueshëm.
Burime pranë policisë bashkiake thanë se janë të detyruar tashmë ta bëjnë këtë lloj kontrolli çdo mëngjes herët dhe mbrëmjeve për të mos lejuar zaptime të tilla.
Duket se shqiptari nuk i largohet dot shprehjes “tokë e xanun” e teksa deri dje ankoheshin për plazhet private se zinin hapsirat, sapo iu jepet rasti i zaptojnë vetë ato në forma të ndryshme.
