Reshjet e borës shoqëruar edhe me stuhi ere një ditë më parë lanë pa energji 5 fshatra të njësisë administrative Dardhas në Pogradec.
Sipas të dhënave rrëzimi i një shtylle ka bërë që energjia të ndërpritej për orë të tëra e për pasojë dhjetra familje të mbeteshin pa energji elektrike në mes të dimrit.
Sipas të dhënave të siguruara mbrëmjen e djeshme punonjës të OSHEE kanë mundur të zëvendësojnë shtyllën e rrëzuar duke rikthyer energjinë elektrike.
Ndërkohë sa i përket qarkullimit rrugor, ai vazhdon të jetë i vështirë si pasojë e borës e cila në shumë zona i kalon 15 cm, burime bëjne me dije se lëvizja mund të realizohet vetëm me mjete të larta dhe duke përdorur zinxhirët pasi pavarësisht ndërhyrjeve, prania e lartë e borës dhe mungesa e infrastrukturës e bën të vështirë hapjen e menjëhershme të kësaj rruge nga zona e Gurit të Kamjes drejt Osnatit, Lekasit, Dërdushës dhe Nicës.
