Me shitjen e ekipit të Pogradecit, shumë gjëra kanë ndryshuar në ekip dhe lojë, ashtu siç pritshmëritë për të rritur edhe më tej performancën janë të mëdha.
Sapo blenë ekipin investitorët u kujdesën që të investojnë në ambietet e këtij stadiumi, dhomat e zhjveshjes, banjat dhe çdo hapsirë tjetër.
Por bashkë me ndryshimin e fasadës, është zhdukur emri legjendar i stadiumit “Gjorgji Kyçyku” emër i vendosur nga Këshilli Bashkiak shumë vite më parë në respekt të kësaj figure të futbollit pogradecar.
Në fakt në fillim mësohet se u tha që ishte diçka jo e qëllimshme dhe se emri do të rivendosesj, por kur kanë kaluar muaj, emri nuk po vendoset. Nga Stadiumi “Gjorgji Kyçyku” tashmë godina mban emrin “Pogradeci Stadium” pa sens dhe pa shije kjo nismë e kujtdo të ketë qenë.
Askush nuk ka dhënë sqarim apo reagim zyrtar mbi këtë gjë, sepse emri nuk mund të hiqet pa vendim të këshillit bashkiak, çfarë nënkupton se dikujt ju tek ta heqë dhe kaq.
Ekipi u shit, po, u ble patjetër, por u ble ekipi jo emri i stadiumit. Ekipet më të mëdha evropiane i kanë blerë biznesmen të fuqishëm, por askush nuk ja ndërron dot emrin “San Siros”…
Ndaj, këtë shkrim, që u inciua nga nj reagim qytetar në Pogradec, po e lëshojmë si thirrje, rikthejini emrin stadiumit, vendosni në vend nderin që i keni përdhosur një emri si “Gjorgji Kyçyky”.
Të shpresojmë që edhe pogradecarët që do të reagojnë të jenë më të shumtë, në të kundërt në atë qytet, komshi me ne korçarët ka “vdekur” shoqëria civile, apo zëri qytetar.
