Gjatë kontrollit të një mjeti në aksin rrugor Pogradec-Qafë Thanë, shetatit R.M. ju gjend një sasi e vogël lëndësh narkotike kokainë.
Ja deklarata e Policisë;
DVP Korçë/Vihen në pranga 1 shtetas, për lëndë narkotike në mjet.
Specialistët e Seksionit për Hetimin e Trafiqeve të Paligjshme dhe Narkotikëve të DVP Korçë, arrestuan në flagrancë shtetasin R. M., 31 vjeç, banues në fshatin Hudënisht, Pogradec, pasi në aksin rrugor “Pogradec-Qafë Thanë”, në dalje të qytetit të Pogradecit, është konstatuar nga shërbimet e policisë duke drejtuar automjetin tip “Benz”, ku gjatë kontrollit fizik, iu gjet e sekuestrua një sasi e vogël me lëndë të dyshuar narkotike kokainë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
