Mbi 450 mijë turistë vendas dhe të huaj e kanë vizituar Pogradecin në këtë sezon turistik veror.
250 mijë prej tyre kanë fjetur në Pogradec sipas të dhënave nga njësitë hoteliere dhe shtëpitë e që lëshohen nga vetë qytetarët pa llogaritur këtu 2 mijë apartamente që janë si shtëpi të dyta për tiransit, elbasanasit, durrsakët etj.
Ledjan Zeqollari Drejtor i Turizmit shprehet se më të vizituara kanë qenë Bazilika e Linit, qyteti dhe Driloni dhe se sidomos të huajt janë suprizuar nga shërbimi dhe mikpritja që kanë gjetur në qytetin liqenor.
Ky sezon veror ka sjellë edhe 123 biznese të reja të hapura e cila sigurisht është shoqëruar me rritje të punësimit dhe të ardhurave për bashkinë dhe sistemim tatimor.
Enjela Karafili Drejtoreshë e Taksave thotë se është shënuar rritje e xhiros por në shifra kjo pasqyrohet më vonë, pasi bizneset të bëjnë deklarimet të cilat sigurisht që do të jenë me rritje. Mund të them me bindje se ky është sezoni më i mirë që Pogradeci ka pasur ndonjëherë përfundon Karafili.
Fakti që 2023 është shoqëruar me gjysëm milioni pushues dhe turistë ka bërë që në Pogradec të rritet edhe kërkesa për të ndërtuar njësi akomodimi, të cilat nuk ishin zhvilluar deri vitin e kaluar pasi Pogradeci nuk kishtenjë plan urbanistik të miratuar. Me planin e ri që ka hyrë tashmë në fuqi ka me dhjetra aplikime për ndërtime bujtinash dhe njësish hoteliere.
Nga ana tjetër rrijta e numri të të huajve lidhet edhe me dy fakte të rëndësishme e para përfshirja e liqenit në Unesco dhe e dyta zbulimi i vendbanimit 8 mijë vjeçar në Lin.
