Pogradeci ka marrë humbjen e rradhës në futboll, ndoshta më të keqen deri tani. Kjo pasi liqeorët humbuën 2-1 në Burrel në minutat e fundit të ndeshjes më konkretisht në minutën e 100-ind.
Një humbje sa dramatike aq edhe turpëruese për Pogradecin. Ekipi arrit të mbante barazimin në pjesë të parë ndërsa të dytën pësoi një karton të kuq dhe Lipo në minutën e 73-të.
Prej minutës së 88-të ndeshja ishtr sfilitëse, pasi në këtë minutë Ferruku për vendasit do të shënonte golin e avantazhit. U duk se kjo ndeshje do të mbyllej me këtë rezultat, por në të 97-ën minutë është Panadiç për pogradecarët që shënon golin e barazimit.
Kur pritej vërshëllima e fundit në të 100-ën minutë është Burreli që shënon golin e fitores me anë të Xhakaj dhe bën që Pogradeci turpërohet nga kjo transfertë. Ka qenë portieri i Pogradecit ai që bëri gafën në këtë minutë të 10-të të shtesës, duke u’a dhuruar vetë golin vendasve.
Pogradecarët me këtë humbje kanë mbetur në kuotën e 3 pikëve në tabelën e klasifikimit, ndërsa pas ndeshjes nuk ka munguar reagimet e sportdashësve pogradecarë në rrjet, të cilët kanë akuzuar drejtuesit për keqorganizim, mungesë teknike deri tek mungesa e lojtarëve të duhur që nuk u blenë në merkato.
Megjithatë pritet që në Janar, ekipi të ketë afrime të reja, por nëse humbjet vazhdojmë e sigurtë është që do të kërkohet koka e Nikajt për tu larguar nga drejtimi.
