Janë rikthyer në Pogradec lundrimet me anije për vizitorët dhe pushuesit.
Edhe pse anija ka gati 4 vite që është ankoruar në molin e qytetit ajo nuk kishte funksionuar për lundrime brenda dhe jashtë kufirit. Por këtë sezon më në fund diçka e tillë do të ndodhë.
Dallëndyshja e parë e lundrimeve turistike ka nisur funksionin, nga java e ardhshme ajo nis lëvizjen në liqen si edhe drej Ohrit.
Një risi kjo për këtë sezon e cila që në xhiron e parë të zhvilluar mbrëmjen e djeshme ka tërhequr vëmendjen e pushuesëve.
Tashmë pritet që me këtë fillim të ri, të tjerë operatorë turistikë ti bashkohen zhvillimit të tureve turistike në ujrat e liqenit, të cilat në pjesë shqiptare janë fare të pa zhvilluara krahasuar me Ohrin.
