Drejtoria Vendore e Policisë Korçë ka evidentuar dhe goditur një sërë veprash penale në territorin e saj gjatë ditëve të fundit.
Specialistët e Sektorit të Qarkullimit Rrugor arrestuan në flagrancë shtetasin H. H., 21 vjeç, banues në Korçë, pasi u kap duke drejtuar automjetin pa leje drejtimi.
Ndërkohë, janë referuar materiale në Prokurori dhe kanë nisur procedimet penale për disa shtetas të tjerë:
G. T., 65 vjeç, banues në Ankara, pasi duke drejtuar automjetin ka humbur kontrollin dhe është përplasur me një pemë, duke pësuar dëmtime të lehta.
R. K., 31 vjeç, banues në Turan, pasi me automjetin e tij ka aksidentuar lehtë këmbësorin Gj. O., 50 vjeç.
L. L., 51 vjeçe, dyshohet se ka rënë aksidentalisht nga biçikleta që drejtonte bashkëshorti i saj, Y. L., 60 vjeç, duke u dëmtuar lehtë.
Specialistët për Hetimin e Krimeve të Komisariatit të Policisë Korçë kanë nisur procedime penale edhe për:
T. M., pasi u kap duke kryer punime ndërtimi pa lejen e organeve kompetente.
V. M., 29 vjeç, banues në Shtyllë, pasi u kap duke transportuar një sasi lënde drusore të prerë në kundërshtim me ligjin. Lënda drusore u sekuestrua në cilësinë e provës materiale.
Gjithashtu, është shpallur në kërkim shtetasi J. M., 47 vjeç, banues në Korçë, i dyshuar për kryerje punimesh ndërtimi pa leje.
Në Pogradec, janë proceduar penalisht shtetasit Q. R., 64 vjeç, dhe H. R., 62 vjeçe, banues në Gështenjas, pasi dyshohet se i kanë bllokuar rrugën hyrëse në banesë një 43-vjeçari.
Në Devoll, është shpallur në kërkim shtetasi I. K., 50 vjeç, banues në Bilisht, pasi dyshohet se para një viti ka marrë një shumë parash borxh nga një 62-vjeçar dhe e ka mashtruar duke mos e shlyer.
Po ashtu, më datë 13.07.2025, shtetasi L. K., 72 vjeç, ka kallëzuar në polici se persona ende të paidentifikuar kanë tentuar të vjedhin në banesën e tij, në kohën kur ajo ka qenë e pabanuar. Vijojnë hetimet për zbardhjen e plotë të ngjarjes.
Materialet procedurale janë referuar në Prokurorinë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
