Ditën e sotme në Komisariatin e Policisë në Korçë ka ardhur një kallëzim penal nga prindi i një fëmijë 8 vjeçar. Ai shprehet se ish-gruaja e tij, njëkohësisht dhe nëna e djalit 8 vjeçar, ka ushtruar dhunë fizike dhe psikologjike ndaj djalit të tyre.
Ja deklarata e Policisë Korçë;
DVP Korçë/Procedohet në gjendje të lirë 1 shtetase, dyshohet për veprën penale të ushtrimit të dhunës ndaj fëmijës së vet 8 vjeç.
Specialistët për Hetimin e Krimeve të Komisariatit të Policisë Korçë referuan materialet në Prokurori ku filloi procedimi penal në gjendje të lirë për shtetasen K. T., 40 vjeçe, banuese në Korçë, pasi ka bërë kallëzim ish-bashkëshorti i saj, i cili ka deklaruar se 40-vjeçarja ka ushtruar dhunë fizike dhe psikologjike ndaj djalit të tyre 8-vjeçar.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
