Laçi ka ndezur duelin me Skënderbeun, dy ditë para sfidës. Klubi kurbinas, nëpërmjet një postimi në rrjetet sociale, fton tifozët në stadium, ku hyrja do të jetë falas për tribunën ballore.
Në postimin e faqes zyrtare të klubit, thuhet ndër të tjera: “Për të marrë një fitore me vlerë përballë atyre që dinë të marrin 3 pikët vetëm duke iu hapur portën.”
Një provokim i hapur ky, që kurrsesi nuk mund të bëhet nga një klub që quhet profesionist.
Postimi i Laçit:
Ndeshja e radhës për ekipin tonë është si një finale. Të dielën luajmë përballë Skënderbeut duke nisur prej orës 15:00 .
HYRJA NË TRIBUNËN PËRBALLË DO TË JETË FALAS!
Mos mungoni në mbështetje të çunave bardhezi për të marrë një fitore me vlerë përballë atyre që dinë të marrin 3 pikët vetëm duke iu hapur portën.
