Bashkia e Kolonjës ka dalë me njoftimin se më datë 14 gusht do të jetë maratona e “Këngë moj”, ja pse duhet të jeni në Ersekë në atë datë;
Do u japim 5 arsye pse duhet të rezervoni datën 14 Gusht në Kolonjë
- Këngëtarët më në zë në Shqipëri do të performojnë në sheshin “Rilindja”. Ervis Behari, Eli Fara, FreeMc, Vojsava Alia, Rovena Ibrahimi, Era Rusi, Ervin Bushati, Irma Libohova, Stefi Endri dhe Saimir Çili;
- Gushti njihet për ditët e nxehta të tij dhe ju keni nevojë për pak freski. Temperaturat do të jenë nga 18°-24°C;
- Mund të arrini më shpejt, sepse rruga e re u çon deri në Mollas;
- Qetësia. Natyra. Turistët këtë vit e kanë shpeshtuar fjalinë; “Këtu flihet qetë’;
- Bujtinat, restorantet dhe hotelet janë më cilësore se kurrë. Investimet e reja në agroturizëm, rritja e cilësisë së sektorit të hoteleri-turizmit është e dukshme, fundja, kolonjarët njihet për mikpritjen e tyre.
Kolonja ju pret!
