Drejtoria e Rajonit Qendër Lindje po vijon punimet e mirëmbajtjes në akset nacionale që ka në mbikëqyrje. Aktualisht, puna është përqendruar në pastrimin e bimësisë përgjatë aksit Korçë-Dardhë, si dhe në eliminimin e degëve të pemëve dekorative përgjatë këtij segmenti.
Sipas Oltion Zhamo, përgjegjës sektori në DRQL, pas përfundimit të sezonit dimëror do të kryhen kontrolle për të vlerësuar gjendjen e rrugëve dhe për të ndërhyrë aty ku është e nevojshme.
Paralelisht, kjo drejtori po punon edhe për pastrimin e mbetjeve të hedhura përgjatë akseve rrugore nga drejtuesit e mjeteve. Për këtë arsye, vjen një apel për të gjithë qytetarët që të tregohen të kujdesshëm dhe të ndihmojnë në mbrojtjen e mjedisit.
