Punimet në shëtitoren “Kryqëzimi Libonik – Drithas Poshtë” po ecin me ritme të larta, duke u kryer çdo ditë me kapacitet të plotë dhe standarde të larta cilësie, me qëllim që të përfundojnë përpara afateve të përcaktuara.
Ky investim është rezultat i bashkëpunimit mes Fondit Shqiptar të Zhvillimit dhe Bashkisë Maliq dhe ka si objektiv rritjen e sigurisë për këmbësorët dhe përdoruesit e mjeteve, si dhe përmirësimin e infrastrukturës në këtë zonë të rëndësishme.
Projekti përfshin ndërtimin e trotuareve të reja, korsi për biçikleta, sistem modern ndriçimi, hapësira të gjelbra dhe disiplinimin e ujërave të shiut, duke e transformuar shëtitoren në një hapësirë më funksionale dhe estetike.
Banorët e zonës e kanë mirëpritur projektin, duke e vlerësuar si një investim që jo vetëm modernizon infrastrukturën, por edhe ndikon drejtpërdrejt në rritjen e cilësisë së jetës në komunitet.
Bashkia Maliq dhe Fondi Shqiptar i Zhvillimit shprehin angazhimin e tyre për të vijuar me projekte të tilla që sjellin zhvillim dhe siguri për qytetarët.
