Pushues të shumtë kanë zgjedhur këtë fundjavë Pogradecin për të relaksuar.
Tri fundjavat e muajit prilli kanë sjellë pushues, të cilët preferuan të shijojnë liqenin e Pogradecit, klimën e freskët, ajrin e pastër, por edhe për të kaluar tri festat me të afërm, miq dhe familjarë.
Të shumtë kanë qenë pushuesit edhe këtë fundjavë, të cilët kanë mbushur shëtitoren e bregliqenit, duke i dhënë asaj më tepër gjallëri.
Për pushuesit klima, peizazhi pogradecar, kulinaria, mikëpritja dhe ajri i pastër, mbeten tërheqja kryesore në çdo stinë.
Të vendosur përgjatë shëtitores se bregliqenit, pushuesit kanë nisur të shfrytëzojnë çdo mundësi çlodhjeje dhe argëtuese, ku natyrisht të parët që e shijojnë këtë bukuri janë fëmijët.
