Qindra tifozë shqiptarë që jetojnë në Maqedonine e Veriut kanë kaluar sot pikën e kalimit kufitar të Qafë Thanës për të qenë të pranishëm në ndeshjen e kombëtares sonë ndaj Çekisë.
Ka të tillë që kanë udhëtuar enkas nga SHBA, Austri dhe shumë vende të tjera të BE për të qenë në stadium në këtë natë të madhe futbollistike siç e quajnë dhe ata vet.
Burime zyrtare pranë pikës së kalimit kufitar të Qafë Thanës bëjnë me dije se vetëm ditën e sotme kanë kaluar nga Maqedonia e Veriut drejt vendit tonë me shume se 1000 shtetas, 400 prej të cilëve kanë deklaruar se kanë ardhur për të parë ndeshjen Shqipëri – Çeki.
Drejtoria e policisë së qarkut të Korçës ka marrë masa duke kontrolluar tifozët në veçanti për mjete piroteknike si dhe parulla që nuk kanë të bëjnë me ndeshjen e mbrëmjes së sotme.
Ndiq pamjet
