Në një kohë kur teknologjia i ka “burgosur” fëmijët me lojra deri edhe tek rrjetet sociale nga ku lindin konflikte dhe bullizime, ka ende fëmijë të cilët pëlqejnë librat dhe historinë e shteteve të botës.
Ky është 7 vjecari Rajan Merruko nga Pogradeci. Pas një kontakti me një libër atlas, 7 vjecarit i lindi dëshira të mësonte më shumë për shtetet e botës dhe kryeqytet. Sot ai arrin të identifikojë mjaft lehtë flamujt e shteteve dhe kryeqytetet e tyre.
Nëna e Rajanit thotë se ai është djalë shumë i zgjuar dhe ka një memorie shumë të fortë, ndërsa tashmë pas kësaj faze do të fillojnë të punojnë për të mësuar historinë e shteteve.
Rajani tashmë kërkon që ti prekë shtetet që ka mësuar, dëshira e tij është të vizitojë Ekuadorin pasi ka lexuar për një zonë ku njeriu nuk qëndron dot në këmbë dhe dëshiron ta vërtetojë këtë gjë.
Rajani 7 vjecar edhe pse ende I vogël për të zgjedhur profesionin e të ardhmes, ka dëshirë që të bëhet officer policie me qëllim që të luftojë krimin dhe të vendosë drejtësi.
