Mësohet se marrëveshja është firmosur me ekipin anglez Manchester City. Rama ka qenë i shoqëruar nga ministrja e Arsimit dhe Sportit Evis Kushi dhe kryebashkiakja e Durrësit, Emirjana Sako.
Terrenet sportive që do të vihen në dispozicion të Akademisë së Futbollit do jenë pranë Universitetit “Aleksandër Moisiu” në Durrës. Akademia e Manchester City është e ndërtuar në një hapësirë prej 80 hektarë dhe njihet si Etihad Campu.
Janë rreth 400 të rinj vajza dhe djem, të cilët stërviten në këtë akademi nga e cila zbulohen talentet të cilët më pas veshin fanelën e skuadrës së parë.
Arritja e një marrëveshje të tillë do të jetë e para e këtij lloji në Shqipëri me përfitime të drejtpërdrejta për të rinjtë e Durrës, një qytet me tradita në futboll.
