Në Bashkinë e Korçës kanë nisur regjistrimet për vitin e ri mësimor në institucionet parashkollore, përfshirë kopshtet dhe çerdhet publike. Prindërit janë të ftuar të dorëzojnë dokumentacionin e nevojshëm pranë institucioneve përkatëse për të bërë regjistrimin e fëmijëve të tyre. Afati përfundimtar për këtë proces është data 25 qershor 2025.
Këshilltarja për arsimin parashkollor në Bashkinë e Korçës, znj. Rudina Lako, thekson rëndësinë e respektimit të afateve dhe udhëzon prindërit të jenë të kujdesshëm në përgatitjen e dokumenteve. Ajo vlerëson gjithashtu kontributin e mësuesve ndihmës, duke theksuar se arsimi parashkollor tashmë është gjithëpërfshirës dhe i hapur edhe për fëmijët me nevoja të veçanta.
Aktualisht, në Bashkinë e Korçës funksionojnë 48 kopshte dhe 2 çerdhe. Për vitin mësimor 2024–2025, janë regjistruar 1560 fëmijë në kopshte dhe 174 në çerdhe.
