Rehova është fshat që dëshmon qytetërim të veçantë jo vetëm në zonën e Kolonjës por edhe në Shqipëri. Konsiderohet si një perlë nga historiku, arkitektura e veçantë, natyra e mrekullueshme, qetësia, ushqimet bio dhe ajri i pastër.
Të gjitha këto e mikpritja e banorëve e bëjnë atraksion të frekuentuar kryesisht nga turistët e huaj.
Rehova mund të jetë Voskopoja e Kolonjës për turizmin. Ndodhet dy kilometra larg Ersekës, një nga perlat e fshehur të Shqipërisë.
Vitet e fundit ky fshat ështe i mbushur me turistë dhe shumica po investojnë në bujtina.
Fatmirësisht, fshati është deklaruar zonë e mbrojtur dhe projekti për ta shndërruar në një fshat turistik është miratuar dhe së shpejti nis zbatimi i tij.
E gjithë infrastruktura, rrugicat, fasadat, portat prej guri janë në projekt të rehabilitohen dhe mbrohen.
Në kuadër të promovimit të vlerave turistike, kulturore, historike, kulinarisë dhe tradicionale, Rehova është vendosur edhe në kalendarin e festave lokale. Rehova e shpallur qëndër e mbrojtur dhe ka nisur të marë jetë nga projekti i 100 fshatra turistikë, ndërsa bashkë me investimet e banorëve po është kthyer në një nga zonat më të preferuara për vizitorët vendas dhe të huaj.
