I ftuar special Redon Makashi
Këtë të shtunë është mbajtur koncerti muzikal i kantautorit të njohur Mihallaq Andrea (Mjeshtër i madh). Të shumtë ishin në sallën e teatrit të Korçës dashamirësit e artistit, të cilët ndoqën koncertin për rreth një orë e gjysmë, ku herë pas herë së bashku me të kënduan serenatat Korçare që ka kompozituar vetë kantautori.
Gjithashtu prezenca e veçantë e këngëtarit Redon Makashi dhe gazetares Kozeta Kurti, elektrizuan skenën.
Mihallaq Andrea rezervoi dy këngë të reja të kënduara për herë të parë në skenë, shoqëruar nga orkestra dhe vokalet.
Një risi e këtij koncerti ishte riorkestrimi i të gjitha këngëve të para të kantautorit Korçar. Mihallaq Andrea tha se nuk duhet të kemi frikë që këngët dhe serenatat Korçare që këndohen me orkestra të ndryshme.
Ndërsa për kthimin në skenë, ai tha që do jem gjithmonë kur të më kërkojë publiku.
Për Redon Makashin ishte kënaqësi dhe emocion prezenca në një skenë me Mihallaq Andrean, këngëtarin që e ka dëgjuar që në kohën kur ka qenë fëmijë. Motra e kantautorit, Meri Andrea ka ardhur enkas nga SHBA për të ndjekur koncertin e të vëllait, i cili e ka emocionuar tepër.
Ovacionet e publikut e kthyen disa herë Mihallaq Andrean të këndoj në fund të koncertit.
