Sot festojmë bashkë me Ju, e nderuar znj. Roza Dhami Vako.
Urime, Shëndet dhe Jetëgjatësi!
Lindur në 22 Shkurt 1946, Roza Dhami Vako, kjo këngëtare e njohur e muzikës popullore qytetare pogradecare, rrjedh nga një familje me tradita në muzikën popullore. Aktivizohet që prej vitit 1965, pranë Ansamblit Artistik të Shtëpisë së Kulturës “Lasgush Poradeci”-në Pogradec dhe në vitin 1968 punon si këngëtare profesioniste pranë estradës së qytetit të Pogradecit deri në vitin 1990, vit gjatë të cilit del në pension.
Ka kënduar shumë këngë popullore qytetare pogradecare nën shoqërimin e sazeve të qytetit të drejtuara nga mjeshtri Jashar Nazifi brenda dhe jashtë Shqipërisë si edhe nën shoqërimin e këngëtarit tjetër pogradecar Ilmi Sulollari. Ndër këngët e tyre përmendim shumë të njohurën “Po bien tre dajre”. Për veçoritë e saj të interpretimit të këngës popullore është vlerësuar nga Kuvendi Popullor i Shqipërisë me medaljen “Naim Frashëri, Klasi II”.
- Në vitin 2005, Bashkia Pogradec i akordon Titullin “Qytetare Nderi”
- Në vitin 2020, Bashkia Pogradec i akordon Çertifikatën e Mirënjohjes.
- Në Dhjetor 1966, Roza Dhami merr pjesë në Festivalin e 5-të në RTSH me këngën “Vala E Drinit”.
- Në Dhjetor 1966, Roza Dhami merr pjesë në Festivalin e 5-të në RTSH me këngën “Kur Bie Fyelli E çiftelia”.
- Në Dhjetor 1968, Roza Dhami merr pjesë në Festivalin e 7-Të në Rtsh me këngën “Miqësi E Re”.
Marrëdhënia e saj me këngën ka filluar qysh në moshë të njomë (qysh në kopësht). Më pas gjatë viteve shkollore merrte pjesë si këngëtare në Mbrëmjet shqiptaro-sovjetike, në Korin e Shkollës nën udhëheqjen e profesor Tomor Starova, ku u patën kënduar veç këngëve të tjera edhe “Nabuko” (Verdi), Tabloja muzikore “Borëbardha dhe 7 xhuxhat”, “Mashenka dhe ariu”.
Gjithashtu është angazhuar edhe në pjesë për balet. Vako ka marrë pjesë në dy Festivale të këngës në RTSH, ku fitoi dy çmime të dyta, dubluar me të madhen Vaçe Zela. Në Estradën e Pogradecit u aktivizua si kengetare dhe si aktore nën shoqërinë e nje kolektivi të mrekullueshëm, me dirigjentë Mihallaq Kole, Kristaq Koci, Adelina Kita, Rajmond Gusho. Pjesë e karrierës së znj. Roza Dhami Vako dhe kolektivit në të cilin bënte pjesë, ishin turnetë nëpër të gjithë fshatrat e rrethit të Pogradecit dhe në të gjitha qytetet e Shqipërisë, ku suksesi ka qenë kryefjala.
Në Festivalin e Gjirokastrës debutoi me këngët “Kur bie fyelli e çiftelia” dhe “Valët e Drinit”. Në vitin 1991 del në pension.
