Vazhdimisht banorët e Niçës në Gorë të Pogradecit apelonin se ura monument kulture në fshatin e banuar nga vllehët po shëmbej. Ajo ishte ura e fundit nga 3 të tilla që ka pasur zona dhe nëse do të shëmbej, do ishte një humbje e madhe për banorët që kanë lidhje shpirtërore me të.
Duket se DRTK Korçë reagoi dhe ka dërguar punonjës dhe materiale për përforcim mbajtës të urës deri në ndërhyrje totale.
Njoftimi;
Në urën e fshatit Niçë, pasuri kulturore, ku prej vitesh nuk ka pasur ndërhyrje dhe rrezikonte shembjen, ekipi i mrëmbajtjes së DRTK Korçë ka realizuar ndërhyrjen emergjente.
Në një terren të vështirë u bë i mundur realizimi i strukturës mbajtëse të urës (pajantimi).
Një falenderim i veçantë për grupin e terrenit të cilët në kushte shumë të vështira përfunduan me sukses fazën e parë të ndërhyrjes.
Gjithashtu falenderim për komunitetin e zonës për mikëpritjen e grupit të cilët qëndruan në fshatin Niçë gjatë ndërhyrjes.
