Rreth 400 aplikime janë bërë deri tani në bashkinë Devoll nga fermerët, për të përfituar nga skemat kombëtare mbështetëse në bujqësi. Pjesa më e madhe e aplikimeve sikurse pohojnë edhe fermerët, janë për skemën e naftës, pasi ua lehtëson proceset e punës
Sinkron fermerë
Burime në Drejtorinë e Bujqësisë pranë bashkisë Devoll bëjnë me dije se deri tani janë 350 aplikime për skemën e naftës dhe vetëm 50 për blegtori e bletari. Risi për këtë vit është se për skemën e blegtorisë përfitimi do të jetë edhe për krerët qingja e viça me kusht që të jenë të matrikulluar. Përfitimi do të jetë 10 mijë lekë për lopë me kusht që të jenë mbi 10 krerë dhe 10 mijë lekë për të imta me kusht që të jenë mbi 100 krerë. Ndërsa për bletarinë, përftimi është në masën 1 mijë lekë për koshere me kusht që bletari të ketë mbi 50 koshere bletë.
