Në Shqipëri prej rreth një jave nafta po tregtohet me çmimin prej 219 lekë për litër, duke e renditur vendin me karburantin më të shtrenjtë në të gjithë rajonin. Ky shtrenjtim i çmimeve të karburanteve me pakicë ka rikthyer vëmendjen te politikat e taksimit dhe çmimeve në tregun vendas.
Sipas të dhënave, qeveritë e vendeve të rajonit kanë rikthyer ndërhyrjet për uljen e akcizës te nafta për të lehtësuar barrën mbi konsumatorët. Një masë e tillë nuk është ndërmarrë në Shqipëri, ndonëse niveli i çmimeve të karburantit mbetet më i larti krahasuar me vendet fqinje.
Diferenca e çmimit me tregjet fqinje është e ndjeshme, ku Shqipëria regjistron një çmim 41% më të lartë se Maqedonia e Veriut, çka rrit me tej kostot e transportit për konsumatorët vendas.
Foto ilustruese.
