Korça është gati të mirëpresë një nga ngjarjet më të dashura dhe tradicionale, “Serenata Korçare”, që do të zhvillohet më 27 dhe 28 shtator 2024. Ky festival, i cili mban gjallë trashëgiminë muzikore të qytetit, do të mbledhë artistë, këngëtarë dhe dashamirës të serenatave nga e gjithë Shqipëria dhe më gjerë.
Gjatë dy netëve magjike, rrugët e Korçës do të mbushen me tingujt e këngëve romantike, që përfaqësojnë një pjesë të rëndësishme të identitetit kulturor të qytetit juglindor. Eventi pritet të tërheqë qindra vizitorë, të cilët do të kenë mundësinë të shijojnë jo vetëm muzikën tradicionale, por edhe atmosferën e ngrohtë të Korçës.
Organizatorët e festivalit kanë premtuar një program të pasur me performanca të muzikantëve të njohur si Mihallaq Andrea, Tomi Kondakciu dhe Ermira Kola.
Pritet të ketë këngëtare si Eli Fara e të tjerë edhe pse burimet ende nuk i konfirmojnë zyrtarisht.
